Um ARLIS/Norden
Om ARLIS/Norden

Fréttir
Nyheder

Íslensk listbókasöfn
Islandske
kunstbiblioteker

Aðilar í ARLIS
Medlemmer

Umsókn um aðild
Medlemskap

Póstlisti
Epostliste

Íslenskir listvefir
Islandsk kunst og
kultur på Nettet

Söfn og sýningarsalir
Museer og gallerier

ARLIS/Norden - Info
Nyhedsbrev / blogg




In English

ARLIS/Norden


Forsiða

FRÉTTIR / NYHEDER

Í sumar hefur Bóka- og heimildasafn Þjóðminjasafns Íslands notið krafta Kristínar Arnþórsdóttur, upplýsingafræðings og meistaranema í hagnýtri menningarmiðlun, en hún hefur unnið við það að skrásetja allar sýningar sem verið hafa í Bogasal Þjóðminjasafnsins frá upphafi til ársins 1998. Einnig hefur hún tekið með ýmsar sérsýningar sem verið hafa á öðrum stöðum innan Þjóðminjasafnsins á þessu tímabili.
Með flestum sýningunum fylgir lýsandi umsögn ásamt tenglum í í skrárnar, sem margar hverjar er búið að skanna inn, og einnig eru tenglar sem flytja lesandann beint á allar blaðaumsagnir um viðkomandi sýningu.
Ljóst er að þessi vinna er ómetanleg fyrir alla þá sem vilja rannsaka listasögu þjóðarinnar og sögu Þjóðminjasafnsins og mun fjölbreytileiki sýninganna koma mörgum á óvart.
Kristínu er þakkað fyrir hreint einstakt verk sem unnið var af mikilli fagmennsku og þekkingu. /GF

Lokið er stórskemmtilegri en nokkuð viðburðaríkri ráðstefnu og ársfundi í Oslo sem haldin var í byrjun júní. Þátttakendur frá Íslandi voru þær Lísa Valdimarsdóttir og Sigrún Sveinsdóttir frá Listaháskóla Íslands, Elín Guðjónsdóttir frá Listasafni Íslands og Gróa Finnsdóttir frá Þjóðminjasafni Íslands. Segjast verður eins og er að oft hefur ráðstefnuhaldið verið metnaðarfyllra og með fleiri alþjóðlegri fyrirlesurum, og var ljóst að sparnaður setti nokkurt mark á ráðstefnuhaldið allt. Það var svolítið eins og hryggjarstykkið - listbókasöfn og rannsóknir - týndist svolítið í mörgum og smáum fyrirlestrum sem skiluðu undirritaðri satt að segja litlu. Verð ég þó að undanskilja þar erindi Åse Markussen: "Bibliotekar som forsker, eller bibliotekar for forskere?" sem var bæði athyglisvert og prýðilega flutt.

Engu að síður voru móttökurnar með ágætum og var sérstaklega gaman að heimsækja hið nýja og glæsilega Óperuhús þeirra Oslóbúa sem hefur m.a. að geyma verk eftir Ólaf Elíasson. Sömuleiðis er alltaf ánægjulegt að skoða Norsk folkemuseum - þrátt fyrir úrhellisrigningu! - þar sem hinn hefðbundni hátíðakvöldverður var haldinn með pompi og pragt.

Umræður á ársfundinum snerust mikið um framtíð og stefnumörkun ARLIS/Norden og sýndist sitt hverjum. Lítur út fyrir að ráðstefnur verði haldnar annað hvert ár hér eftir en fundir trúlega á hverju ári, en smærri í sniðum. Þar sem komið er að Dönum að halda næstu ráðstefnu, en óvissa ríkir um framtíð þeirra í samtökunum, buðust Svíar til að halda ársfundinn í Stokkhólmi á næsta ári og síðan verður stór ráðstefna samfara IFLA ráðstefnu í Helsinki árið 2012. Framhald ARLIS/Norden ræðst því trúlega ekki til fulls fyrr en þá, en allir voru þó innilega sammála um þörfina fyrir áframhaldandi samvinnu og starfsemi samtakanna sem hefur marg sannað sig allt frá þeim tíma sem þau voru stofnuð. Nánar verður hægt að lesa um fundinn þegar fundargerðin verður sett inn á vefinn - vonandi sem fyrst.

Framtíð þessarar vefsíðu ræðst svo vonandi á næstu mánuðum, en stofnaður var vefsíðuhópur í Osló (þar sem þó vantaði fulltrúa tveggja landa, þar af var hinn danski vefstjóri annar þeirra). Nú er beðið eftir því að vefstjórinn setji vefinn upp í nýju útliti en þangað til verður fólk að láta sér þetta gamla útlit nægja...
/GF

Núna eru 10.000 skr. til ráðstöfunar í ferðasjóði samtakanna og fær hver þátttakandi að hámarki 2.000 skr. greiddar. Upphæðin sem hver og einn fær fer því eftir fjölda þátttakenda, þannig að ef það verða færri en fimm þátttakendur frá Íslandi þurfa þeir í raun einungis að greiða fyrir flug og hótel, og e.t.v. 200 skr. að auki (ráðstefna + kvöldverður + kynningarferð).

ELDRI FRÉTTIR

ARLIS ráðstefna 2008
ARLIS Aarsmöde og konference 2008
- Årsmöte: referat
- Program

10. 09. 2007

Undirbúningur fyrir ARLIS ársfund og ráðstefnu sem haldin verður 12. - 14. júní 2008 stendur nú yfir. Formaður undirbúningshóps er Elín Guðjónsdóttir, deildarstjóri bókasafns Listasafns Íslands.